22/11/07------與baby睇戲

呢日,baby 做咗費高,鬼咩....前一日咁屎,返8點幾,11點幾先收,

好慘慘呀,成10點先食飯,心痛死......  所以,好球呀...仲可以

陪我tim~ ~ ~

一早起身,先同嫲嫲去飲茶,根住同BB去咗apm睇"東京鐵塔",好

感動oh.....一路睇,一路死忍, "要忍住呀...唔好喊出嚟呀,對眼個

妝唔防水,喊到nut晒會嚇死baby嫁...."  但結果..........................

喊得好淒涼....!!!!!!!!!!

 好彩....無nut........

之後,再同baby去咗食好好味嘅煲仔飯...呵呵...真係好好味嫁

就係咁,好開心好溫馨地,又同BB渡過咗愉快嘅一日.......

23/11/07------ outstanding 更

原本今日係大假中嘅off,見無咩嘢做,baby又request咗outstanding踩

whole....嘿嘿~ 嘿嘿~ 又可以見到baby又有 $$$$$,梗係返啦 !!!

個更都ok,美中不足,係baby執咗做arrival,同埋只係見咗佢一陣jar....

今日都屎屎地,佢仲有9個字就收工(0045),希望唔洗再接屎機啦!!!

 今日係本小眼24歲女嘅壽辰,一早7點幾,就收到珍妹嘅祝賀短訊,多謝珍妹.....

希望如你所講,我會一日比一日幸福......根住一路都收到各界朋友嘅祝賀,多謝大家!!

起身大概十一點幾,見baby放兩點幾,於是開始慢慢梳洗,殊不知,baby十二點幾打嚟同

我講......佢已經比人extend咗,要5點幾先走得........果下.........好失望,有d 唔開心......

我知佢諗住反正唔走得,早d extend,早 d走!!!!!!雖然我明,但又覺得都未到收果一

刻,咁快應承,可能走得呢,又怕到5點幾時仲難走,所以有少少激死咗!!!!

我想收埋d失望同唔開心,但收唔到,擔心baby最後出唔到嚟,最重要係,前後兩日

無見過佢,好想見見...........我嘅唔開心令baby都好唔開心,對唔住呀,其實我知

唔係你唔啱,你都唔想,但我仲令你唔開心,對唔住呀........

5點幾,baby出到嚟,見到佢,我好開心,根住我地行咗陣,就去咗打邊邊,係大家

嘅至愛.........食完散咗一陣步,baby送咗份生日禮物比我,我仲未開嚟睇,但睇咗張咭!

BB,我都好希望以後嘅生日,都有你響身邊,你嘅,都係,會有我!!!!!!

記得上年,唔同嘅朋友仔同我開咗好多party,唔係唔開心,但依然若有所失!!!!正日

果日,食咗餐人地好趕嘅飯,聽咗一堆廢話同大話 ,好戲!!!

今年,只係同事們嘅一餐飯,同baby嘅一餐飯,好簡單,大型派對一個都無,但已經

好足夠!!!

因為周子傑已經係我最好嘅禮物 ~ 有無邊邊打,食幾普通嘅嘢,有無禮物同咭,又有咩

所謂,有你同我一齊,日日都係大家嘅生日,日日都係情人節, 去邊都一樣咁開心!!!!

後記: 多謝楊生楊太嘅利是.....其實,無你地,又邊有我吖,無你地,我邊得咁肥肥

白白吖...........

仲有楊太隻"老"水蛋.....話說-------楊太一早烚隻蛋比我,話生日要食蛋......

結果,佢老人家以為我唔食,拎咗去煲桑寄生蓮子蛋茶,仲食埋我隻蛋.........

反應 : 又話比我嘅 ?????!!!!!!

最後去完街返嚟,打開水杯飲水, .......... 有隻 "老"水蛋,仲要細心到有支簽拮住....

原來係楊太嘅"還蛋"..... (咁都得!!!) 詳情可閱photo.........